Alveg eins og pabbi

Grínistinn Adam Sandler bauð sinni yndislegu dóttur Sadie í hádegismat á veitingastaðnum Toscana í Brentwood í Los Angeles.

Sadie er sko algjör krúttmonsa og ekkert smá lík pabba sínum. Hún virðist líka vera húmoristi eins og Adam.

Adam sótti frumsýningu nýjustu myndar sinnar, Hotel Transylvania, um síðustu helgi. Sú mynd fjallar einmitt um samband feðgina.

"Stór partur kvikmyndarinnar er um sambandið á milli föður og dóttur og hvernig maður verður að sleppa tökunum. Það fer með mig að sjá föður í erfiðleikum með það. Það er eitthvað sem ég tengi við. Börnin mín eru mjög ung en ég finn að þessi tími nálgast óðfluga," segir Adam um myndina.