Christina djörf í nýju myndbandi

Nýjasta lag Christinu Aguilera, Your Body, er búið að slá í gegn. Myndbandið er djarft eins og titill lagsins gefur til kynna.

Þessi munúðarfulli The Voice-dómari daðrar til dæmis við einstaklega myndarlega menn í myndbandinu, spilar Nintendo-tölvuleiki og veltist um á rúmi í hlébarðadressi. Myndbandið er litríkt, rétt eins og hár söngkonunnar sem erfitt er að láta framhjá sér fara.

Kíkið á myndasafnið hér

Christina er mjög stolt af myndbandinu.

"Ég er mjög spennt fyrir þessu myndbandi. Það er skemmtilegt og kómískt á sinn hátt. Ég leik persónu sem er ekki lík mér. Það er bara gaman. Þetta er eins og stuttmynd," segir Christina.

Your Body er fyrsta lagið sem heyrist af væntanlegri plötu Christinu, Lotus, sem kemur í verslanir 13. nóvember.

Horfið á myndbandið hér