Leikstýrir í fyrsta sinn

Renée Zellweger ætlar að setjast í leikstjórastólinn í fyrsta sinn og leikstýra gamanmyndinni 4½ Minutes. Leikkonan fer einnig með aðalhlutverkið í myndinni á móti Johnny Knoxville.

Zellweger hefur áður verið á bak við tjöldin í Hollywood, eða þegar hún var einn af framleiðendum Miss Potter sem kom út 2006. 4½ Minutes gerist í New York-borg og er byggð á ævi uppistandarans Dov Davidoff.

Zellweger leikur einstæða móður sem kynnist grínistanum Jimmy Bennett sem á í erfiðleikum með að festa ráð sitt.