Sheen valdi fyrrverandi eiginkonu sína í nýja þáttinn

Tvær fyrrverandi eiginkonur Charlie Sheen eru á góðri leið með að verða bestu vinkonur. Denise Richards og Brooke Mueller sáust saman í Croos Creek verslunarmiðstöðinni í Malibu, þar sem þær virtust vera að fá sér snæðing ásamt börnum þeirra.

Vefurinn x17 greinir frá því að Charlie hafi nýlega óskað eftir því að Denise kæmi frma í nýjum sjónvarpsþætti hans, Anger Management. „Hún er ennþá algjör pæja og hlutverkið krafðist þess af henni. Ég get líka verið í beinu sambandi við hana og þarf ekki að tala við umboðsmanninn hennar, sem er gott," sagði Charlie.