Nýtt sýnishorn úr Hobbitanum

Myndin verður frumsýnd um jólin og er sú fyrsta í þríleik leikstjórans Peter Jackson eftir samnefndri bók J.R.R. Tolkien. Sagan er einskonar undanfari Hringadróttinssögu og hefur Jackson fengið sömu snillinga til liðs við sig og þegar hann gerði þann þríleik.

The Hobbit: An Unexpected Journey fjallar um hobbitann Bilbó Bagga (Freeman) og ævintýraför hans til hins forna konungsríkis Erebor, en þar hefur drekinn Smeyginn (Cumberbatch) sölsað undir sig völdin.

Bilbó slæst í hóp með vitkanum Gandalfi (McKellen) og þréttan dvergum sem eru undir forystu hins mikla stríðsmanns (eða dvergs) Þorins Eikinskjaldar (Armitage). Á ferðalagi sínu þurfa þeir að fara um víðlendur sem eru morandi í dríslum, vörgum og risastórum kóngulóm.

Þó að markmið þeirra sé að komast austur yfir auðnirnar og að Fjallinu Eina, verða þeir fyrst að sleppa úr dríslahellunum þar sem Bilbó kemst í kynni við veruna sem á eftir að breyta lífi hans að eilífu... Gollri. Í hellunum finnur Bilbó djásnið hans Gollris: töfrahring sem hefur yfir ýmsum óvæntum og gagnlegum kostum að búa.

Martin Freeman leikur Bilbó, Ian McKellen mætir aftur til leiks í hlutverki Gandalfs og Richard Armitage leikur Þorinn Eikinskjöld.

Hobbitinn verður frumsýnd annan í jólum.