Gift í þriðja sinn

Söngkonan Annie Lennox gekk í það heilaga um helgina. Sá heppni er bandaríski læknirinn Mitch Besser. Þau giftu sig á bát á Thames-ánni og voru 150 vinir og fjölskyldumeðlimir viðstaddir.

Dætur Annie, þær Lola og Tali, voru brúðarmeyjar en brúðurin klæddist hvítum síðkjól og hvítum blúndu bolerojakka við.

Annie á tvö hjónabönd að baki en fyrsti eiginmaðurinn hennar var hinn þýski Radha Raman. Þegar það samband gekk ekki upp giftist hún ísraelska kvikmyndaframleiðandanum Uri Fruchtmann sem hún á dætur sínar tvær með.