Neitað um stjörnu í Hollywood Walk of Fame

Kim Kardashian er vön að fá það sem hún vill. Hún á í ástarsambandi með heitasta rapparanum í bransanum, með líkama sem passar í hvaða bikiní sem er og hún á stóran flota af bílum sem flesta dreymir um að keyra og að ekki sé minnst á að eiga en jú það er reyndar eitt sem Kim fær ekki og það er stjarna merkt henni á Hollywood Walk of Fame götuna í Los Angeles. Kim vill nefnilega meina að hún eigi skilið að fá stjörnu fyrir raunveruleikasjónvarpsseríuna sem hefur slegið í gegn á sjónvarpsstöðinni E! en Hollywood Walk of Fame nefndin sem ákveður hverjir fá stjörnu hafa svarað beiðni Kim. Nefndin segir að Kim þurfi fyrst að vinna sér inn Emmy verðlaun eða Óskarsverðlaun áður en hún kemst svo mikið sem á listann þeirra. Þá þurfa sannar stjörnur að sýna góða frammistöðu í faginu í að minnsta kosti 5 ár.