Hringarnir stækka með hverju hjónabandi

Dæmin sýna að demantshringarnir stækka í Hollywood þegar stjörnurnar giftast í annað sinn.

Nicole Kidman fékk ekki trúlofunarhring frá Tom Cruise á sínum tíma heldur kýldu þau á giftingu jólin eftir að þau léku saman í myndinni Days of Thunder. Avril Lavigne fékk tíu sinnum stærri hring frá Chad Kroege miðað við hringinn sem eiginmaður hennar fyrrverandi, Deryck Whibley, gaf henni. Það sama á við Jessicu Simpson og að ekki sé minnst á Jennifer Lopez en Ben Affleck gaf henni 6,1 karata hring á sínum tíma en Marc Anthony gaf henni 8,2 karata hnullung sem hún var ánægð með - þar til hún losaði sig við hann. Reese Witherspoon er líka komin með flykki á baugfingur frá unnusta sínum Jim Toth en hringurinn sem Ryan Phillippe gaf henni er djókur ef þeir eru metnir í dollurum.