Námskeið um búddisma frá Tíbet

Endurmenntun Háskóla Íslands býður í haust upp á námskeið um búddisma í Tíbet undir stjórn Önnu Töru G. Edwards, sem er mannfræðingur með meistaragráðu í búddískum djáknafræðum. Á námskeiðinu verður einblínt á búddisma frá Tíbet og helstu einkenni hans.

Í gegnum aldirnar hafa meistarar, m.a. frá Tíbet, þróað hinar ýmsu hugleiðslu- og kennsluaðferðir í því skyni að skilja betur okkar innsta eðli. Farið verður yfir ævisögu Búddha og fyrstu kennslu Búddha um hin fjögur sannindi. Megináherslan verður lögð á Lamrim-kennsluna sem þýðir hinn stigvaxandi vegur til uppljómunar. Í Lamrim-kennslu er kennt stig frá stigi hvernig maður getur öðlast uppljómun sem er hið æðsta markmið búddista.

Kennt verður þrjá fimmtudaga í september og er fyrsti tíminn þann 13. september í húsi Endurmenntunar við Dunhaga. Nánari upplýsingar á heimasíðunni Endurmenntun.is.

- fsb