Ný klipping - sama rödd

Söngvarinn John Mayer, 34 ára, sem hætti nýverið með söngkonunni Katy Perry hefur látið klippa síðu brúnu lokkana. Eins og sjá má á myndunum fer nýja klippingin söngvaranum vel. Slúðurmiðlarnir í Hollywood segja John vera feginn að vera laus við Katy sem á erfitt með að taka höfnuninni. Þau voru kannski ekki opinberlega á föstu en sáust saman í þó nokkur skipti. Á tímabili voru þau eitt heitasta parið í Hollywoodslúðurheiminum enda bæði vinsælir söngvarar en hvort sem þau voru saman eða ekki þá er John nú þegar byrjaður að líta í kringum sig og sjarmerar konur upp úr skónum sem verða á vegi hans. Nýja hárgreiðslan kemur sér vel án efa í þeim efnum.