Í dúndurform 11 mánuðum eftir barnsburð

Kryddpían Melanie Brown, 37 ára, er stödd í Sydney í Ástralíu ásamt fjölskyldu sinni þar sem hún nýtur lífsins í sólinni. Söngkonan var meðvituð um að hún var mynduð á meðan eiginmaður hennar, Stephen Belafonte, makaði á hana sólarvörn við sundlaugarbakkann á hótelinu þar sem fjölskyldan gistir. Mel hélt á 11 mánaða dóttur þeirra, Madison, á meðan eiginmaður hennar bar á hana og eins og sjá má á myndunum var hún kát. Mel hefur verið dugleg að hreyfa sig síðan hún átti stúlkuna og tekið mataræðið föstum tökum eins og hún segir sjálf frá og það er ekki að spyrja um árangurinn.