UEFA sektar Rússana

Knattspyrnusamband Evrópu, UEFA, hefur sektað rússneska knattspyrnusambandið um 30 þúsund evrur vegna hegðunar stuðningsmanna liðsins í leiknum gegn Póllandi. Það á einnig að draga sex stig af liðinu en ekki er búið að virkja þá refsingu.

Stuðningsmenn Rússa kveiktu á flugeldum í leiknum gegn Póllandi, voru með risafána sem þótti ekki til fyrirmyndar og svo hljóp áhorfandi inn á völlinn.

Það hefði svo sem ekki breytt neinu fyrir Rússa ef stiga væru dregin af liðinu núna enda er liðið úr leik á EM.

Stuðningsmenn Rússa lentu þess utan í miklum slagsmálum við Pólverja fyrir utan leikvanginn fyrir leikinn gegn heimamönnum.