Heitasta parið í Hollywood

Slúðurheimurinn vestan hafs heldur því fram að söngkonan Rihanna og leikarinn Ashton Kutcher séu heitasta parið í Hollywood um þessar mundir.

Sagan segir að Rihanna mætti á miðnætti í vikunni heim til leikarans í fylgd lífvarðar. Ekki er vitað hvenær hún yfirgaf heimili leikarans.

Því er haldið fram að Rihanna og Ashton skemmti sér einstaklega vel saman og hittist iðulega í sömu veislunum.

Í meðfylgjandi myndasafni má meðal annars sjá Rihönnu með afa sínum og ömmu þegar afi hennar átti afmæli en hún setti myndirnar á Twitter síðuna sína á dögunum.