Erlendir fjölmiðlar fylgjast vel með fréttum af Guðna Bergssyni

Erlendir fjölmiðlar hafa fjallað mikið um Guðna Bergsson, fyrrum atvinnuknattspyrnumann og fyrirliða íslenska landsliðsins, á undanförnum tveimur dögum. Guðni, sem starfar sem lögfræðingur, hlaut skurðáverka þegar hann kom samstarfsmanni sínum til bjargar á lögfræðistofunni Lagastoð í Lágmúla í fyrradag.

Karlmaður stakk framkvæmdastjóra Lagastoða ítrekað með hnífi. Guðni var stunginn tvívegis í lærið en árásin átti sér stað á lögfræðistofunni Lagastoð í Lágmúla.

Líðan mannsins, sem slasaðist lífshættulega í árásinni, er enn óbreytt. Hann gekkst undir umfangsmikla aðgerð í fyrradag og er samkvæmt vakthafandi lækni á gjörgæsludeild haldið sofandi í öndunarvél.

Guðni lék með með Tottenham á Englandi á árunum 1988-1994 og hann var lykilmaður hjá Bolton á árunum 1995-2003.

Á meðal þeirra fréttamiðla sem hafa fjallað um málið eru;

BBC

Eurosport

Express.co.uk

Yahoo.com

Soccernet.com