Til mikils að vinna fyrir ungt hæfileikafólk

Hin sívinsæla stuttmynda- og handritahátíð ungs fólks, Ljósvakaljóð, stendur fyrir dyrum.

Einstaklingum á aldrinum 15 - 25 ára gefst kostur á að senda til keppni stuttmynd eða frumsamið handrit. Hátíðin er haldin 28. janúar næstkomandi í Bíó Paradís.

Þá verða bestu innsendu stuttmyndirnar sýndar fyrir opnu húsi og verðlaun veitt í báðum flokkum. Keppt verður í tveimur aldursflokkum í innsendum stuttmyndum.

Verðlaun fyrir bestu stuttmyndina í hvorum flokki eru 50.000 krónur en 20.000 krónur verða veitt fyrir besta frumsamda stuttmynda-handritið. Umsóknarfrestur til þess að senda inn bæði stuttmyndir og handrit er til og með 23. janúar næstkomandi.

Á heimasíðu Ljósvakaljóða eru upplýsingar og leiðbeiningar. Ljósvakaljóð eru einnig á Facebook.