Börn Bo með hittara

Hljóðblanda (sem má heyra hér) af laginu Devil In Me með Krumma Björgvinssyni hefur farið eins og eldur í sinu um internetið síðustu tvo daga. Steed Lord, hljómsveit systur hans, Svölu Björgvins, endurhljóðblandaði lagið sem tónlistarbloggarar víðsvegar um heiminn hafa sýnt mikinn áhuga.

Þetta er remix eða endurhljóðblöndun sem við (Steed Lord) gerðum fyrir nýjustu smáskífu Legend - bandsins hans Krumma, útskýrir Svala sem búsett er í Los Angeles spurð út í fyrrnefnda hljóðblöndu.

Umrætt lag má heyra hér.

Spila á Íslandi í vor

Við erum núna að vinna að nýrri plötu sem mun koma út í mörgun pörtum út allt árið. Fyrsta lagið kemur í febrúar og síðan nýtt myndband í kjölfarið og síðan byrjum við að túra með nýja efnið í vor um Bandaríkin og Evrópu með von um tónleikahald á Íslandi í vor, segir Svala spurð út í framtíð hljómsveitarinnar Steed Lord sem hún skipar ásamt unnusta sínum Einari Egilssyni og bróður hans Eðvarði.

facebook.com/Steedlord - facebook.com/Legendband