Þá er Halle Berry gengin út

Skartgripahönnuðurinn Gurhan sérsmíðaði risastóran hring með grænum eðalsteini fyrir franska leikarann Olivier Martinez sem bað bandarísku leikkonunnar Halle Berry, 45 ára, yfir hátíðarnar.

Leikaraparið, sem skoða má í meðfylgjandi myndasafni, hefur verið óaðskiljanlegt síðan það kynntist við tökur á kvikmyndinni Dark Tide árið 2010.

Halle giftist körfuboltaspilaranum David Justice árið 1993 en skildi við hann fjórum árum síðar. Þá giftist hún söngvaranum Eric Benet árið 2001 en losaði sig við hann árið 2003. Leikkonan á þriggja ára dóttur, Nöhlu, með fyrirsætunni Gabriel Aubrey, sem hún hætti með eftir fimm ára samband.

Heimasíða Gurhan.