Kærasta Ronaldo myndi aldrei sitja fyrir í Playboy

Knattspyrnumaðurinn sem allir elska að hata, Cristiano Ronaldo, heimsótti nýlega Dúbæ ásamt unnustu sinni undirfatamódelinu Irinu Shayk. Þau stefna á að gifta sig eftir Evrópumótið í knattspyrnu í sumar, svo aðdáendur kappanns ættu að fara setja sig í stellingar til að fylgjast með herlegheitunum.

Mikið er skrifað og parið, bæði í Portúgal og á Spáni, þar sem Ronaldo leikur knattspyrnu með Real Madrid. Eitt af því sem dúkkaði upp í umræðuna nýlega er hvort þessi myndarlega stúlka myndi sitja fyrir í tímaritinu Playboy. Hún segir það ekki koma til greina en henni hefur verið boðið oft og mörgum sinnum að sitja fyrir í blaðinu.

„Ég er undirfatamódel en þarna set ég mörkin. Þeir buðu mér háar fjárhæðir á síðasta ári, en ég neitaði án umhugsunar. Ég lít á sjálfa mig sem módel, en aldrei nokkurn tíman fyrir svona tímarit," segir Shayk.