Lopez djammaði með Harry í Las Vegas

Jennifer Lopez, 43 ára, og Harry Bretaprins, 27 ára, skemmtu sér saman nóttina sem Harry strippaði eftirminnilega ásamt fleira fólki eins og heimurinn hefur fengið að sjá. Ekki er vitað hvað þeim fór á milli og engar myndir eru af prinsinum og Jennifer saman. Í meðfylgjandi myndbandi frá bandarísku sjónvarpsstöðinni E! er viðtal við Jennifer sem stillti sér upp á sundlaugarbakkanum á MGM hótelinu í Las Vegas sömu nótt og Harry var myndaður á sama hóteli, nánar tiltekið á svítunni, án klæða ásamt ónefndri stúlku sem var einnig kviknakin. Þá heilsaði Jennifer upp á aðdáendur sína eftir vel sótta tónleika að eigin sögn. Takið eftir að Jennifer er ávallt á afmörkuðu svæði svo æstir aðdáendur komist ekki of nálægt henni.