Henry tryggði Arsenal sigur | Everton lagði Chelsea

Sex leikjum er nú nýlokið í ensku úrvalsdeildinni. Thierry Henry var enn og aftur hetja Arsenal og Everton vann góðan sigur á Chelsea. Þrjú Íslendingalið voru í eldínunni og töpuðu öll í dag.

Henry tryggði Arsenal 2-1 sigur á Sunderland með marki undir lok leiksins. James McClean hafði komið Sunderland yfir 20 mínútum fyrir leikslok en Aaron Ramsay jafnaði metin fimm mínútum síðar.

Henry er lánsmaður frá New York Red Bulls og snýr aftur til síns félags í næstu viku. Þetta var því lokaleikur hans í ensku úrvalsdeildinni og kveðjugjöf við hæfi.

Annar lánsmaður sem er hjá sínu gamla félagi, Steven Pienaar, skoraði fyrra mark Everton í 2-0 sigri á Chelsea. Denis Stracqualursi skoraði síðar amark liðsins eftir sendingu Landon Donovan - sem einnig er í láni hjá félaginu.

Daniel Sturridge og Frank Lampard fengu tækifæri til að skora en allt kom fyrir ekki. Vandræði Andre-Villas Boas knattspyrnustjóra halda áfram, sem og vangaveltur um starfsöryggi hans.

Þrjú Íslendingalið - QPR, Swansea og Bolton - töpuðu öll leikjum sínum í dag. Gylfi Þór Sigurðsson lék allan leikinn með Swansea sem tapaði fyrir Norwich, 3-2, og komst nálægt því að skora úr aukaspyrnu.

Swansea komst yfir í fyrri hálfleik og átti Gylfi stóran þátt í markinu. En leikur Swansea hrundi í seinni hálfleik og Norwich kom sér í 3-2 forystu áður en heimamenn minnkuðu muninn.

Grétar Rafn Steinsson lék allan leikinn fyrir Bolton sem tapaði fyrir botnliði Wigan á heimavelli, 2-1. Bolton féll niður í nítjánda sæti með tapinu þar sem að Blackburn, sem er nú í átjánda sæti, vann 3-2 sigur á QPR - liði Heiðars Helgusonar.

Þá vann Fulham 2-1 sigur á Stoke en þessi lið sigla bæði nokkðu lygnan sjó rétt fyrir neðan miðja deild.

Leikir dagsins:



Everton - Chelsea 2-0

1-0 Steven Pienaar (4.)

2-0 Denis Stracqualursi (71.)

Sunderland - Arsenal 1-2

1-0 James McClean (70.)

1-1 Aaron Ramsay (75.)

1-2 Thierry Henry (90.)

Blackburn - QPR 3-2

1-0 Yakubu (14.)

2-0 Steven N'Zonzi (22.)

3-0 Nedum Onuoha, sjálfsmark (49.)

3-1 Jamie Mackie (71.)

3-2 Jamie Mackie (91.)

Swansea - Norwich 2-3

1-0 Danny Graham (22.)

1-1 Grant Holt (47.)

1-2 Anthony Pilkington (50.)

1-3 Grant Holt (62.)

2-3 Danny Graham, víti (87.)

Fulham - Stoke 2-1

1-0 Pavel Pogrebnyak (15.)

2-0 Thomas Sörensen, sjálfsmark (27.)

2-1 Ryan Shawcross (78.)

Bolton - Wigan 1-2

0-1 Gary Caldwell (42.)

1-1 Davies (67.)

1-2 James McArthur (76.)