Með kennslu hjá Fallon

Tískubloggarinn Tavi Gevinson var gestur í spjallþætti Jimmy Fallon og spjallaði þar um tískuvikuna í New York. Gevinson kenndi Fallon einnig að setja upp vanþóknunarsvip.

Gevinson er yngsti bloggarinn sem sækir tískuvikurnar og hefur sótt þær allt frá því hún var 13 ára gömul. Hún ritstýrir einnig veftímaritinu Rookiemag.com og gaf nýverið út bókina Rookie Yearbook One. Þegar Fallon bað hana um að kenna sér að setja upp vanþóknunarsvipinn sagði hin unga Gavinson: „Svipurinn er leið til að tjá óvirka árásagirni,“ og bætti við að hún gengi um með þrálátan vanþóknunarsvip.