Amman og afinn slösuð

Amma og afi ungstirnisins Justins Bieber slösuðust í bílslysi milli jóla og nýárs. Móðir Biebers, Patti Mallette, sendi út eftirfarandi skilaboð á Twitter og biðlaði til að allra að biðja fyrir bata foreldra sinna:

„Foreldrar mínir lentu í hörðum árekstri í dag. Bíllinn gjöreyðilagðist en við þökkum guði fyrir að þau eru á lífi. Viljið þið vera svo væn að biðja fyrir bata þeirra og munið að vera góð við þá sem þið elskið því maður veit aldrei hvað morgundagurinn ber í skauti sér.“

Ekki leið á löngu þar til Twitter logaði af bænum til ömmu og afa Biebers enda skipta aðdáendur söngvarans knáa milljónum.