Lífið

Hélt upp á afmæli fyrir systur sína

Fögnuðu afmæli David og Victoria Beckham héldu upp á afmæli systur David milli jóla og nýárs og skemmtu sér vel. Nordicphotos/getty
Fögnuðu afmæli David og Victoria Beckham héldu upp á afmæli systur David milli jóla og nýárs og skemmtu sér vel. Nordicphotos/getty
Breska stjörnufjölskyldan David og Victoria Beckham buðu systur knattspyrnukappans, Johanne Beckham, í dýrindis kvöldverð milli jóla og nýárs í tilefni af 30 ára afmæli hennar. Johanne var hæstánægð með bróður sinn og svilkonu og setti mynd af sér á samskiptavefinn Twitter með eftirfarandi skilaboðum „Átti yndislegt kvöld í gær. Fjölskyldan mín kom mér á óvart með kvöldverði á uppáhaldsveitingastaðnum mínum. Á ekki afmæli fyrr en í febrúar en þar sem bróðir minn verður ekki á landinu þá fögnuðum við núna. Ég er svo glöð.“

David og Victoria Beckham voru í Bretlandi yfir hátíðarnar ásamt börnum sínum fjórum en þau eru búsett í Los Angeles þar sem knattspyrnukappinn spilar með liðinu LA Galaxy. Skötuhjúin birtu síðan fleiri myndir frá kvöldinu á Facebook þar sem þau virtust skemmta sér vel í góðra vina hópi en börnin fjögur voru í pössun.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.