Húðflúraður aðdáandi

Ung stúlka í Kaliforníu lét húðflúra nafn tónlistarmannsins Drake þvert yfir ennið á sér skömmu fyrir jól. Sagan barst Drake, sem sagði uppátækið einkennilegt og kvaðst vilja hitta stúlkuna.

„Þetta er alveg merkilegt og mig langar að hitta hana og fá að vita ástæðuna fyrir þessu," sagði rapparinn um uppátæki stúlkunnar. Hann vandaði þó ekki kveðjurnar til húðflúrlistamannsins, sem hann kallaði hálfvita. „Hann ætti ekki að vera starfandi og ætti ekki að fá að flúra fleira fólk. Hann er hálfviti."