Palli syngur inn jólin

Páll Óskar Hjálmtýsson mætir með 25 manns með sér í stúdíó Rásar 2 í dag og heldur Þorláksmessutónleika. Með honum í för verður einnig Sigga Beinteins og ætla þau að syngja hin ýmsu jólalög.

Alls verða sex tónleikar á Rás 2 yfir jólin. Þeir fyrstu voru með Mugison í gærkvöldi en á eftir Páli Óskari verður útvarpað á jóladag tónleikum KK og Ellenar annars vegar og Sigurðar Guðmundssonar og Memfismafíunnar hins vegar. Á annan í jólum spilar Stórsveit Reykjavíkur ásamt Gáttaþef og Ómari Ragnarssyni og á gamlársdag verður tónleikum Sinéad O"Connor sem voru haldnir í Fríkirkjunni útvarpað.