Brjálaðist á tónleikum

Kanye West sá til þess að tónleikagestur, sem henti litlum auglýsingaspjöldum upp á svið á tónleikum hans og Jay-Z var rekinn út úr húsinu. Gesturinn var í hópi með fleira fólki og fyrst hótaði West fokillur að fleygja öllum hópnum út úr húsinu. Eftir að hafa beðið hinn seka um að gefa sig fram gerði hann það á endanum og fékk reisupassann að launum. „Ef enginn réttir upp hendi og játar þetta á sig verður allur þessi hópur að yfirgefa salinn,“ kallaði West. Eftir uppákomuna héldu tónleikarnir áfram eins og ekkert hefði í skorist.