Vill Craig í fimm myndir til viðbótar

Framleiðandi James Bond-myndanna, Michael G. Wilson, vill að Daniel Craig leiki njósnarann 007 í fimm myndum til viðbótar. Craig hefur þegar samþykkt að leika í þriðju Bond-myndinni, Skyfall. „Daniel hefur verið frábær Bond. Hann er mjög góður leikari og er virkilega góður náungi. Aðdáendur elska hann og ég held að það sé ekki til betri maður til að leika hann," sagði hann við The People. Ef Craig leikur Bond í átta myndum tekur hann fram úr Roger Moore sem hefur leikið hann oftast, eða sjö sinnum.