Scherzinger rænd í Mexíkó

Söngkonan og X Factor-dómarinn Nicole Scherzinger komst í hann krappan er hún heimsótti Mexíkó á dögunum. Scherzinger var við tökur á nýju tónlistarmyndbandi þegar ræningjar stöðvuðu bifreið hennar.

Scherzinger var stödd í Mexíkó við tökur á myndbandi við lagið Try With Me og er hún og danshöfundurinn Brian Friedman óku á leið til hótelsins að tökudegi loknum lentu þau í klóm ræningja. Friedman skrifaði um atburðinn á Twitter-síðu sinni skömmu síðar. „Okkur var hótað með M16- og Beretta-byssum. Þeir stoppuðu bílinn okkar. Nicole blótaði ferðinni í sand og ösku en þetta var mesta ævintýri sem ég hef lent í.“

Söngkonan og danshöfundurinn sluppu þó ómeidd og komust heil á húfi á hótelið.