Kim Kardashian giftist í ágúst

Kim Kardashian ætlar að bjóða 1.000 gestum hið minnsta í brúðkaup sitt og Kris Humphries. Parið hefur ákveðið að festa ráð sitt hinn 20. ágúst og ætlar Kim að gera sem allra mest úr brúðkaupinu.

„Það er ekki enn komin staðsetning fyrir brúðkaupið, en Kim hefur þegar boðið að minnsta kosti 1.000 gestum og listinn er að stækka. Upprunalega hugmyndin var að hafa brúðkaup á báðum ströndum Bandaríkjanna, en núna vill hún halda eitt risastórt brúðkaup,“ sagði innanbúðarmaður við tímaritið National Enquirer.

Hin þrítuga Kim vonast einnig til að geta fetað í fótspor Williams Bretaprins og Kate Middleton hertogaynju, en hún vill að öll heimsbyggðin fylgist með brúðkaupinu.