Robbie allur að róast

Söngvarinn Robbie Williams hyggur á barneignir á næstunni með eiginkonu sinni, bandarísku leikkonunni Aydu Field. Hann tekur þó skýrt fram að frúin sé ekki ólétt.

Williams kveðst hafa náð fullkomnum tökum á lífi sínu eftir áralangt sukk og svínari. Þar með telur hann sig tilbúinn að verða pabbi. "Ég ætla að verða pabbi, kannski á næsta ári eða árið þar eftir,“ segir Robbie, sem er í góðum gír. "Í byrjun ársins fékk ég það á tilfinninguna að hlutirnir gætu breyst. Þetta byrjaði sem tilfinning en nú er ég viss.“