Cheryl er kröfuhörð

Cheryl Cole er búin að krefjast þess að fá nýtt hús og fullkomið hljóðver frá fyrrverandi eiginmanninum, Ashley Cole, ef hann ætlar að vinna hana á sitt band á nýjan leik.

Það var Ashley sem klúðraði málunum þegar hann átti vingott við fleiri stúlkur en eiginkonu sína og skildi hún við hann í kjölfarið. Cheryl hefur nú fyrirgefið Ashley og er tilbúin að taka við honum að nýju, fallist hann á fyrrgreindar kröfur. „Ef Cheryl á að taka þeirri skömm sem fylgir því að taka aftur saman við Ashley verður hún að vita að hann sé tilbúinn að gera allt fyrir hana," sagði heimildarmaður.