Með breskum rokkara

Scarlett Johansson er komin með nýjan kærasta upp á arminn en sá heppni er gítarleikari bresku hljómsveitarinnar Tribes, Dan White. Þau kynntust þegar leikkonan var stödd í London við tökur á myndinni Under the Skin og hafa verið að hittast í nokkrar vikur.

Johansson hefur verið iðin við kolann síðan hún skildi við leikarann Ryan Reynolds fyrir ári. Leikkonan hefur meðal annars verið að hitta Sean Penn, Kieran Culkin, Joseph Gordon-Levitt og Jefferson Hack. Reynolds er hins vegar byrjaður með leikkonunni úr Gossip Girl, Blake Lively.