Fyrsta sýnishornið úr Svartur á leik

Vísir frumsýnir hér fyrsta sýnishornið úr glæpatryllinum Svartur á leik.

Myndin er byggð á samnefndri metsölubók eftir Stefán Mána. Sagan gerist í lok síðustu aldar og segir af Stebba psycho sem óvænt flækist inn í innstu myrkur undirheima Reykjavíkur.

Leikstjóri er Óskar Þór Axelsson. Aðalhlutverk leika Þorvaldur Davíð Kristjánsson, Jóhannes Haukur Jóhannesson, Damon Younger og María Birta Bjarnadóttir. Myndin er framleidd af Zik Zak kvikmyndum og Filmus.

Svartur á leik verður frumsýnd í mars. Hægt er að horfa á sýnishornið hér fyrir ofan eða á sjónvarpssíðu Vísis.