Vill ögrandi hlutverk

Leikkonan Scarlett Johansson vill ögra sér sem leikkonu og segja skilið við hlutverk hinnar viðkvæmu, kynþokkafullu konu.

Johansson fer með eitt aðalhlutverkið í kvikmyndinni We Bought a Zoo ásamt Matt Damon og segist þakklát fyrir að fá hlutverk sem ögri henni á einhvern hátt. „Er ég eldist leita ég frekar eftir því að leika konur sem hafa áorkað einhverju í lífinu. Það finnst mér spennandi og eins og er vil ég ekki taka að mér hlutverk sem reyna ekki á mig á einhvern hátt. Ég vil ekki leika sömu hlutverkin aftur og aftur, hver er tilgangurinn með því?“ sagði leikkonan unga.