Sjáðu nýja sýnishornið úr þriðju Sveppamyndinni

Vísir frumsýnir hér nýja stiklu úr þriðju ævintýramyndinni um Sveppa og félaga, Algjör Sveppi og töfraskápurinn.

Eins og sést lenda Sveppi, Villi og Gói enn og aftur í svakalegum ævintýrum. Í þetta skiptið þurfa þeir að taka á honum stóra sínum þegar Ilmur vinkona þeirra festist inni í töfraskáp, sem býr yfir fjölmörgum eiginleikum.

Myndin verður frumsýnd 9. september. Fyrri tvær Sveppamyndirnar nutu ótrúlegra vinsælda og lítur allt út fyrir að þessi gefi þeim ekkert eftir.

Kíkið á sýnishornið hér fyrir ofan, eða á sjónvarpssíðu Vísis. Meðfylgjandi er einnig myndasafn með nokkrum skemmtilegum myndum af tökustað.

Þá hvetjum við lesendur einnig til að kíkja á Facebook-síðu myndarinnar til að fylgjast betur með þróun mála þegar nær dregur að frumsýningu.