Fjöldi prúðbúinna gesta fagnaði Hörpunni

Fjöldi prúðbúinna gesta mætti til opnunarhófs í tónlistarhúsinu Hörpu í gær. Þar voru meðal annars forsetahjónin, Björgólfur Guðmundsson, ráðherrar og fyrrverandi ráðherrar, borgarfulltrúar og fleiri.

Fyrir framan húsið var svo kominn saman fjöldi mótmælenda sem tók á móti prúðbúnum gestunum. Fólkið mótmælti á misjöfnum forsendum. Á einum skiltanna stóð: „Til lukku með Titanic". Það eru kannski viðeigandi skilaboð því að bæði fyrirtækin Landsbankinn og Nýsir, sem voru á meðal helstu hvataaðila að baki byggingu hússins, eru löngu sokkin.

Smelltu á hlekkinn „Horfa á myndskeið með frétt" til að fylgjast með því sem fram fór í Hörpunni í gær.