Wolfsburg tapaði fyrsta leiknum undir stjórn Littbarski og Eyjólfs

Wolfsburg tapaði 0-1 á heimavelli á móti Hamburger SV í þýsku úrvalsdeildinni í fóbolta í dag en þetta var fyrsti leikur liðsins undir stjórn Pierre Littbarski og Eyjólfs Sverrissonar.

Pierre Littbarski tók við Wolfsburg-liðinu þegar Steve McClaren var rekinn í byrjun vikunnar og Eyjólfur gerðist síðan aðstoðarþjálfari hans á fimmtudaginn.

Mladen Petric skoraði sigurmark Hamburger SV úr vítaspyrnu á 32. mínútu leiksins sem var dæmt fyrir brot Danans Simon Kjær.

Þetta var þriðja tap Wolfsburg-liðsins í röð og liðið hefur ekki heldur skorað mark í þessum þremur leikjum. Eini sigur liðsins frá því í lok október kom á móti Mainz 22. janúar síðastliðinn.