Lindsay Lohan og Steve Jobs í Playboy

Bandaríska leikkonan Lindsay Lohan verður á forsíðu tímaritsins Playboy í næsta mánuði. Á morgun verður Lohan gestur í spjallþætti Ellen DeGeneres þar sem hún mun kynna myndaröðina.

Talsmaður Playboy sagði myndirnar vera afar smekklegar og að þær muni ekki fara fyrir brjóstið á neinum.

Nú þegar hafa slúðursíður í Bandaríkjunum birt forsíðumyndina. Fyrstu viðtökur hafa þó verið dræmar.

Talsmaður tímaritsins tók fram að næsta hefti verði yfirfullt af áhugaverðu efni. Lestrarhestar geta nefnilega kynnt sér fund frumkvöðlanna Steve Jobs og Andy Warhol.