Óttast að Katrín lendi í sömu stöðu og Díana

Katrín Middleton, hertogaynja af Cambridge, mun hugsanlega lenda í sömu vandræðum og Díana prinsessa og á hættu á að skyggja á aðra meðlimi úr konungsfjölskyldunni. Þetta er í það minnsta mat Karls Bretaprins, segir breski vefurinn Contact Music. Mikið hefur verið rætt um ungu hertogahjónin heimsókn þeirra til Norður Ameríku um daginn. Sú heimsókn vakti mikla athygli enda hittu hjónin annað fólk, sem nýtur mikilla vinsælda, á borð við Tom Hanks, Nicole Kidman og Jennifer Lopes.