Alþjóðlegi kleinuhringjadagurinn haldinn hátíðlegur í dag

Nú er bandaríska þjóðin önnum kafin við að fagna kleinuhringadeginum, sem er haldinn hátíðlegur fyrsta föstudaginn í júní ár hvert.

Þessi mikli hátíðisdagur var skapaður af Hjálpræðishernum á fjórða áratug síðustu aldar en honum var ætlað að heiðra allar þær ósérhlífnu konur sem tóku að sér að birta hvunndag bandarísku hermannanna í seinni heimsstyrjöldinni með því að færa þeim kleinuhringi og minna þá á heimahagana, enda fátt bandarískara en góður kleinuhringur. Dagurinn var einnig nýttur í fjáröflun fyrir Hjálpræðisherinn, en ágóðinn kom til góðra nota í kreppunni miklu sem þá geisaði enn.

Það er ekki á hverjum degi sem Bandaríkjamenn eru hvattir til dáða í hamslausu kleinuhringjaáti, svo það er við því að búast að hér sé um að ræða uppáhalds hátíðisdag margra og um að gera að nýta sér hann til hins ýtrasta.