Icelandair frestar brottför allra véla til klukkan rúmlega tíu

Icelandair hefur frestað brottför allra véla sinna frá landinu þar til klukkan rúmlega tíu, vegna verkfallsaðgerða flugvirkja, sem hófust klukkan sex í morgun og lýkur klukkan tíu.

Uppúr viðræðum flugvirkja og Samtaka atvinnulífsins slitnaði í gær og því kom til boðaðra aðgerða í morgun og verða þær með sama hætti á morgun og hinn.

Tafir verða á öllu flugi Icelandair í dag vegna þessa og telur félagið að þær snerti um 20 þúsund farþega. Ekkert liggur enn fyrir um frekari samninagviðræður.