Hringitónn með fagnaðarlátum Hrafnhildar

Fagnaðarlæti Evróvisjón-þulunnar Hrafnhildar Halldórsdóttur þegar Vinir Sjonna komust áfram í aðalkeppni Evróvisjón vöktu mikla athygli. Hrafnhildur mátti vart mæla og afsakaði sig með því að hún þyrfti að hætta að tala, því að hún væri alveg að fara að gráta.

Gleðitár og einlægur fögnuður Hrafnhildar er nú orðinn að hringitón fyrir farsíma sem hægt er að hlaða niður á vefsíðu símafyrirtækisins Vodafone. Nú þegar hafa fjölmargir hlaðið hringitóninum niður og má því búast við hann hljómi víða í Evróvisjón-partýum Íslendinga annað kvöld.

Það er ókeypis að ná í hringitóninn og má finna hann hér