The Kills - Blood Pressures (2011) Birgir Örn Steinarsson skrifar 29. apríl 2011 00:01 "Ok... geisp-AAAAA" Blood Pressures er fjórða breiðskífa þeirra frá því að þau hófu að geta af sér afkvæmi árið 2003. Strax eftir aðra plötuna varð ljóst að hér væri svalt band á ferð. Nægilega svo til þess að afla sér ágætis aukatekna með sölu laga sinna í gallabuxnaauglýsingar og svoleiðis. Þau hafa það fínt. Eftir að Kate Moss fékk svo leið á aulaskapnum í Pete Doherty réð hún Jamie Hince í stöðu skítuga poppprinssins. Hann virðist hafa valdið því starfi töluvert betur og virðist vera með toppstykkið skrúfað þónokkuð betur á. Sem sagt bolurinn þekkir Jamie líklegast best af kvenkosti hans frekar en tónlist. Ef dæma á fólk út frá hegðun er nokkuð ljóst að Kate Moss stígur ekkert svo hátt í vitið. En hún virðist hafa frábæran tónlistarsmekk. Persónulega finnst mér Pete Doherty hæfileikaríkur fjandi og það er Jamie líka. The Kills hefur aldrei á sínum ferli gefið út slappa plötu - og hún er ekki að byrja á því núna. Blood Pressures er ekki eins gróf og fyrri verk. Slípaðri þegar kemur að vinnslu en dúóið nær að viðhalda sömu orku þegar kemur að lagasmíðum og flutning. Í þetta skiptið er búið bæta við smá skrauti hér og þar - eins og í lögunum Heart is a Beating og Nail in my Coffin - má heyra smelli eins og úr borðtenniskúlu. Ótrúlegt en satt passar borðtennis og blús vel saman. Þrjú ár eru liðin frá því að The Kills gaf út síðustu plötu Midnight boom sem þótti sérstaklega vel heppnuð. Þar varð stefnubreyting hjá sveitinni úr þunglyndislegri og blúsaðri nýbylgju yfir í ögn glaðlegri en þó blúsuðu indípoppi. Þessi nýja plata er í sama dúr. Augljóslega hefur sambandið milli þeirra Alison og Jamie breyst frá því að samstarf þeirra hófst. Síðan 2008 hefur Alison t.d. gefið út tvær plötur ásamt hinni hljómsveitinni sinni The Dead Weather sem hefur farið á flug. Gárungar spá því þess vegna að þessi plata hér gæti hugsanlega orðið svanasöngur The Kills. Ef svo er - þá hættir sveitin á uppsveiflunni. Blood Pressures er plata sem vex með hverri hlustun. Hér er aragrúi af góðum lögum og hlustandinn ætti aldrei að fá þá tilfinningu að það sé verið að bera eitthvað uppfyllingarefni á borð fyrir hann. Engin tuska í andlitið en þægilega góð og nægilega svöl til þess að tryggja að hún lifi eitthvað út eftir ári. 4 stjörnur / af 5 mögulegum helstu lög: Future Starts Slow Satellite Heart is a Beating Drum Nail in My Coffin DNA Baby SaysThe Kills - Heart is a beating Drum Tónlist Vasadiskó Mest lesið „Ég fór úr sjötíu prósent þjáningu niður í tíu prósent“ Lífið „Svo byrjaði ég að kyssa stráka og varð allt í einu algjör uppreisnarseggur“ Lífið Verðmiðinn hækkar á höll Antons Lífið Milljón manns í Rio til að sjá ókeypis Lady Gaga tónleika Lífið Forstjórabaninn fær söngleik á fjalirnar Lífið Krakkatían: Nintendo, tunglið og prinsessur Lífið Ingvar E. valinn besti leikarinn í Belgíu Lífið Býður í hláturstund við gömlu þvottalaugarnar Lífið „Ye mátti þola versnandi andlega heilsu vegna gjörða þinna“ Lífið Þakka aðdáendum fyrir að hafa fjármagnað nýja húsið Lífið Fleiri fréttir Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira
"Ok... geisp-AAAAA" Blood Pressures er fjórða breiðskífa þeirra frá því að þau hófu að geta af sér afkvæmi árið 2003. Strax eftir aðra plötuna varð ljóst að hér væri svalt band á ferð. Nægilega svo til þess að afla sér ágætis aukatekna með sölu laga sinna í gallabuxnaauglýsingar og svoleiðis. Þau hafa það fínt. Eftir að Kate Moss fékk svo leið á aulaskapnum í Pete Doherty réð hún Jamie Hince í stöðu skítuga poppprinssins. Hann virðist hafa valdið því starfi töluvert betur og virðist vera með toppstykkið skrúfað þónokkuð betur á. Sem sagt bolurinn þekkir Jamie líklegast best af kvenkosti hans frekar en tónlist. Ef dæma á fólk út frá hegðun er nokkuð ljóst að Kate Moss stígur ekkert svo hátt í vitið. En hún virðist hafa frábæran tónlistarsmekk. Persónulega finnst mér Pete Doherty hæfileikaríkur fjandi og það er Jamie líka. The Kills hefur aldrei á sínum ferli gefið út slappa plötu - og hún er ekki að byrja á því núna. Blood Pressures er ekki eins gróf og fyrri verk. Slípaðri þegar kemur að vinnslu en dúóið nær að viðhalda sömu orku þegar kemur að lagasmíðum og flutning. Í þetta skiptið er búið bæta við smá skrauti hér og þar - eins og í lögunum Heart is a Beating og Nail in my Coffin - má heyra smelli eins og úr borðtenniskúlu. Ótrúlegt en satt passar borðtennis og blús vel saman. Þrjú ár eru liðin frá því að The Kills gaf út síðustu plötu Midnight boom sem þótti sérstaklega vel heppnuð. Þar varð stefnubreyting hjá sveitinni úr þunglyndislegri og blúsaðri nýbylgju yfir í ögn glaðlegri en þó blúsuðu indípoppi. Þessi nýja plata er í sama dúr. Augljóslega hefur sambandið milli þeirra Alison og Jamie breyst frá því að samstarf þeirra hófst. Síðan 2008 hefur Alison t.d. gefið út tvær plötur ásamt hinni hljómsveitinni sinni The Dead Weather sem hefur farið á flug. Gárungar spá því þess vegna að þessi plata hér gæti hugsanlega orðið svanasöngur The Kills. Ef svo er - þá hættir sveitin á uppsveiflunni. Blood Pressures er plata sem vex með hverri hlustun. Hér er aragrúi af góðum lögum og hlustandinn ætti aldrei að fá þá tilfinningu að það sé verið að bera eitthvað uppfyllingarefni á borð fyrir hann. Engin tuska í andlitið en þægilega góð og nægilega svöl til þess að tryggja að hún lifi eitthvað út eftir ári. 4 stjörnur / af 5 mögulegum helstu lög: Future Starts Slow Satellite Heart is a Beating Drum Nail in My Coffin DNA Baby SaysThe Kills - Heart is a beating Drum
Tónlist Vasadiskó Mest lesið „Ég fór úr sjötíu prósent þjáningu niður í tíu prósent“ Lífið „Svo byrjaði ég að kyssa stráka og varð allt í einu algjör uppreisnarseggur“ Lífið Verðmiðinn hækkar á höll Antons Lífið Milljón manns í Rio til að sjá ókeypis Lady Gaga tónleika Lífið Forstjórabaninn fær söngleik á fjalirnar Lífið Krakkatían: Nintendo, tunglið og prinsessur Lífið Ingvar E. valinn besti leikarinn í Belgíu Lífið Býður í hláturstund við gömlu þvottalaugarnar Lífið „Ye mátti þola versnandi andlega heilsu vegna gjörða þinna“ Lífið Þakka aðdáendum fyrir að hafa fjármagnað nýja húsið Lífið Fleiri fréttir Davíð í Kaleo bjó til flöskutrommusett Fimmtán ára og gefur út frumsamda plötu Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Sjá meira