Guðjón kemur Geir til varnar

Guðjón Þórðarson knattspyrnuþjálfari segir að landsdómsréttarhöldin yfir Geir H. Haarde, mági sínum, séu grímulaus aðför kommúnista að Geir. Þetta segir Guðjón í ítarlegu samtali við Fréttatímann.

„Steingrímur J. og þeir sem að þessu standa eiga að skammast sín og ég held að menn sem standa í glerhúsi ættu ekki að vera að grýta grjóti. Ég er hræddur um að þetta eigi eftir að koma í bakið á þeim. Málið mun marka spor í íslenskri sögu og djúp spor í pólitískri sögu. Ég held að það verði skarpari skil í stjórnmálum hér eftir," segir Guðjón Þórðarson við Fréttatímann.

Guðjón segist ekki hafa verið einn af ráðgjöfum Geirs. Hann hefði hins vegar viljað að Geir hefði hlustað meira á sig.