Abramovich sagður íhuga að selja Torres

Fregnir herma að Roman Abramovich, eigandi Chelsea, sjái nú þegar eftir því að hafa keypt spænska framherjann Fernando Torres á 50 milljónir punda og sé til í að selja hann aftur.

Torres er búinn að spila hátt í 700 mínútur fyrir Chelsea án þess að skora. Hann fékk enn og aftur færi til þess að skora gegn Wigan í gær en brást bogalistin eins og svo oft áður.

Samkvæmt heimildum Daily Mail mun Abramovich íhuga það alvarlega að selja Torres í sumar fari hann ekki að hressast.