Newcastle tapaði fyrir Rangers

Peter Lovenkrands skoraði fyrir Newcastle gegn fyrrum félagi sínu, Glasgow Rangers. Það mark dugði þó skammt því Rangers vann þennan æfingaleik 2-1.

Kenny Miller og Steven Naismith skoruðu mörk skoska liðsins sem komst tveimur mörkum yfir áður en Lovenkrands minnkaði muninn.

Blackburn mætti einnig skoskum mótherjum í dag en liðið gerði 1-1 jafntefli gegn Hearts. Eggert Gunnþór Jónsson var á bekknum hjá Hearts en mark enska liðsins skoraði Mame Biram Diouf í sínum fyrsta leik. Hann er kominn á lánssamningi frá Manchester United.