Schweinsteiger: Sjálfstraustið í góðu lagi

Það er mikið undir hjá Þjóðverjum í kvöld er liðið mætir Gana í lokaleik sínum í riðlakeppni HM. Þjóðverjar verða að vinna leikinn til þess að tryggja sig áfram. Jafntefli mun mjög ólíklega duga til.

Bastian Schweinsteiger, leikmaður Þýskalands, segir að þýska liðið mæti til leiks með sjálfstraustið í botni.

"Við spiluðum vel gegn Serbíu, jafnvel þó svo við værum aðeins tíu á vellinum. Sjálfstraustið hjá okkur er því mjög gott. Við verðum að hugsa jákvætt og trúa á sjálfa okkur," sagði Schweinsteiger.

"Við þurfum að vera skipulagðir. Ég þarf að sinna mikilli varnarvinnu og tala enn meira. Vissulega myndi ég vilja skora en það skiptir ekki máli. Sóknarmennirnir eru þarna til þess að skora. Mitt hlutverk er að mata þá."