Maxi ætlar að klobba Kyrgiakos

Argentínumaðurinn Maxi Rodriguez bíður spenntur eftir þvi að mæta félaga sínum hjá Liverpool, Sotiros Kyrgiakos, er Argentína og Grikkland spila á HM.

Maxi er búinn að lofa því að klobba félaga sinn í leiknum. Sú yfirlýsing kom í kjölfar þess að Kyrgiakos sagðist ætla að taka hraustlega á Argentínumanninum.

"Við erum búnir að vera að grínast með þetta. Ég er búinn að segja honum að hann verði klobbaður. Hann segist ætla að sparka í mig," sagði Maxi hress við heimasíðu Liverpool.

"Ég býst annars við mjög erfiðum leik enda eru engir auðveldir leikir á HM."