Ronald Koeman líklegastur sem næsti þjálfari Ísraela

Ronald Koeman, fyrrum landsliðsmaður Hollendinga og áður þjálfari liða eins og AZ Alkmaar, Ajax, Benfica, PSV og Valencia, er víst fyrsti kostur Ísrael sem næsti þjálfari A-landsliðs þeirra.

Menn eins og Frank Rijkaard, Henk ten Cate, Bernd Schuster, Jurgen Klinsmann og Roberto Donadoni hafa allir verið orðaðir við starfið þar sem formaður ísraelska sambandsins hefur gefið það út að frægur erlendur þjálfari verði ráðinn.

Ronald Koeman var síst hjá AZ Alkmaar en var rekinn frá félaginu 5. desember síðastliðinn eftir að hafa verið aðeins hálft ár í starfi.

Koeman gæti búist við því að fá 2,5 milljónir evra í árslaun eða um 440 milljónir íslenskra króna.