Laporta: 35 milljónir eru sanngjarnt verð fyrir Fabregas

Forseti Barcelona, Joan Laporta, segir að 35 milljónir Evra sé sanngjarnt verð fyrir Cesc Fabregas. Hann segir viðræður á milli félagsins og Arsenal enn í gangi.

Arsenal segist ekki vilja selja fyrirliða sinn en Laporta hefur þegar boðið umræddar 35 milljónir Evra í hann. Barcelona hreinlega ætlar sér Fabregas en spurningin er hversu mikið þeir eru tilbúnir til að borga.

"Að bjóða 35 milljónir Evra í hann er sanngjarnt markaðsverð," sagði Laporta á blaðamannafundi í dag. "Það er það verð sem við verðleggjum hann á. Arsenal hefur neitað því tilboði."

Laporta greindi einnig frá því að hann vildi klára málið fyrir HM.